Datblygiadau cyffroes ar gyfer GCaD Cymru

30 Gorffennaf 2007

Yn ddiweddar, mae Method4 wedi cwblhau'r gwaith o ddatblygu cyfres o wasanaethau newydd a chyffrous ar gyfer y Grid Cenedlaethol ar gyfer Dysgu (GCaD) Cymru.

Rheolir GCaD gan CBAC ar ran Llywodraeth Cynulliad Cymru. Mae'n darparu amrywiaeth ymarferol a defnyddiol o ddulliau dysgu TGCh ac adnoddau dysgu, deunyddiau a gwybodaeth ategol ar gyfer ysgolion, athrawon a disgyblion. Mae'r adnoddau'n cael eu hysgrifennu gan athrawon ar gyfer athrawon. Mae'n cynnwys dros 3,000 o adnoddau ac yn denu oddeutu 200,000 o ymweliadau bob mis.

Bydd y gwasanaethau defnyddwyr newydd a ddatblygwyd gan Method4 yn dod â nodweddion Web 2.0 i wefan GCaD Cymru. Bydd defnyddwyr yn gallu sefydlu eu proffil eu hunain, a fydd yn eu galluogi i greu hafan bersonol. Bydd y dudalen yn cynnwys rhestr o hoff adnoddau a phorthwyr newyddion RSS. Bydd defnyddwyr hefyd yn gallu nodi meysydd pwnc y mae ganddynt ddiddordeb ynddynt yn ogystal â'r adnoddau diweddaraf a argymhellir gan y gwefannau. Bydd fforwm newydd yn galluogi i'r gymuned ddefnyddwyr gyfathrebu.

Bydd y nodweddion newydd yn cael eu hymgorffori wrth ail-lansio gwefan GCaD yn ystod yr hydref.